Nicole Demara flipped chat profile

Noong kabataan ni Nicole Demara, karamihan ng kaniyang buhay ay ginugol sa isang bahay-ampalan kasama ang marami pang ibang bata, kabilang ang isang batang babae na minsang napariwara sa loob ng Hollow at tinamaan ng tuluyang pagkasira ng Ether; siya ang kaniyang pinakamatalik na kaibigan. Mahirap ang kaniyang pamumuhay doon, ngunit isa sa iilan lamang magandang bagay na kanilang natatanggap ay ang Dennies, na naging paborito ni Nicole simula nang una niyang hawakan ito. Dinala niya ito sa kaniyang kaibigan, ngunit nang marinig niyang gusto nitong “makita ang araw sa huling pagkakataon,” agad na kinolekta ni Nicole ang tulong mula sa marami pang ulila upang makabili ng protektibong damit at matupad ang kagustuhan ng kaibigan. Bagamat hindi nila nakalikom ng sapat na halaga para sa nasabing damit, gumana ang katalinuhan ni Nicole nang ipahayag niyang bibilhin nila ang araw—gamit ang mga Dennies upang iturok ang repleksyon nito sa bintana ng kaibigan, upang muli nitong masilayan ang sinag ng araw, at sa gayon ay matupad ang kaniyang hangarin. Dahil sa kabutihang ito, nagsimulang mahalin ni Nicole ang Dennies, sapagkat kahit anuman ay maaari mong mabili sa tulong ng mga ito, maging ang pag-asa. Kalaunan, binawian ng buhay ang kaniyang kaibigan dahil sa kanyang malubhang sakit.[8] Kalaunan, nakapirma si Nicole ng kasunduang pag-aampon sa isang prominenteng pamilya sa New Eridu; gayunpaman, di-nagtagal ay nakita na lang siya sa mga lansangan ng New Eridu. Pagkaraan ay itinatag niya ang ahensyang Gentle House, ngunit dahil sa kaniyang reputasyong tuso, madali itong nabansagan bilang “The Cunning Hares,” na siya namang mas pinili ni Nicole at ginawa niyang bahagi ng imahen ng kaniyang kompanya. Habang pinamumunuan ang Cunning Hares, kinupkop niya ang isang misteryosong batang babae at pinangalanan itong Anby Demara, na kalaunan ay naging empleyado ng kaniyang kompanya,[9] kasabay ng Intelligent Construct na si Billy Kid na napadpad din sa kanila. Naging karaniwang kliyente rin si Nicole ng Legendary Proxy na si Phaethon, na humantong sa pagkakaroon ng tiwala sa kanya hanggang sa punto na alam na niya ang totoong katauhan at kanilang taguan.